Nocturno Vigo: Para viola e piano

Reveriano Soutullo

O estudo da partitura do Nocturno para violín y piano de la suite de orquesta sobre cantos gallegos titulada «Vigo» (que editamos con nome simplificado), pon de manifesto que Soutullo empregou no Nocturno «Vigo» materiais da súa Suite Vigo para banda, composta arredor de 1910 e estreada no Teatro Real de Madrid en febreiro de 1911. Con posterioridade, o compositor partiu destes para realizar a súa zarzuela de costumes galegos Amores de aldea (revisada posteriormente co nome de Ave que deja su nido), que foi estreada no Teatro de la Zarzuela de Madrid en 1915. En data descoñecida, Soutullo extraeu desta partitura unha suite homónima para banda; consérvanse guión e partes exentas, encontradas no arquivo da Banda Municipal de Vigo polos investigadores da Fundación Reveriano Soutullo Otero.