Bágoas: Para grupo instrumental de vento, cordas e pequena percusión

Composta por encargo da agrupación lucense Lucus Ensemble, forma parte dun grupo de tres pezas independentes cada una delas (Bágoas, Piadades e Momentum), pertencentes a un mesmo ciclo de concertos. «O Son do Tempo», é o proxecto que -en colaboración co Centro de Artesanía e Deseño da Diputación de Lugo (CENTRAD) – serviu de marco integrador da súa estrea, o 14 de abril do 2019 na igrexa románica de Santa Mariña de Antas.

Aposta pola riqueza tímbrica, establecendo unha simbiose entre instrumentos modernos e tradicionais xunto co emprego das novas tecnoloxías. Crea un espazo de experimentación, no que a conxunción do lirismo melódico convive con certo aroma de música circense, creando reminiscencias da perpetua infancia latente en cada un de nós.